المسحراتي24| أشعار فؤاد حداد .. حقيقه باقية على الزمن

كتب – فؤاد حداد
تصوير – سمر شومان
حقيقه باقيه على الزمن

اصحى يا نايم

وحّد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحّد الرزاق

رمضان كريم



مســحـراتى بأمر السميع
مـنـقـراتى يصحى الجميع
فى كل دقه معنى وشجن
فى كل حبة تراب‏:‏ وطن
فى كل ثانيه من الزمن
أمنيه وصلت لعندنا
أمل بيحدف لبعدنا
وياما ليله ياما صباح
وياما أغنيه فى البراح
وياما عادت ورمضت
وفتحت لى وغمضت
وياما ظُهر وضلة شجر
فرشنا منديلنا فى الغدا
وياما طولنا فى السمر
وياما سحرنا فى الندى
وياما هاتف وياما رؤيا
ونور وحلم وخيال ودنيا
حنين ولا ينتهى الحنين
جنود صنايعيه فلاحين
كنا حياته وأمته
وياما قاسمنا لقمته
وياما عشنا بكلمته
حقيقة باقية على الزمان
نبنى المصانع مع السدود
ياما العرق يسعد الإيمان
وينور الحى والخلود
المشى طاب لى



          والدق على طبلى

ناس كانوا قبلى

           قالوا فى الأمثال:

“الرجل تدب مطرح ماتحب”

مشاركة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
باب مصر