المسحراتي25| أشعار فؤاد حداد.. سلامات

كتب – فؤاد حداد
تصوير – سمر شومان
المسحراتي25
25- سلامات
اصحى يا نايم
وحّد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحّد الرزاق
رمضان كريم
مســحـراتى
بميم وضمه
مـنـقـراتى
وقد أتمه
موال قصيده
آمال عريضه
ثلاثين فريضه
فلا مذمه
ويا عم شاكر
تلاقينى باكر
يا إسم باهر
على مسمسى
ويا عم سيد
الفرن عيد
بكعك جيد
مناخيرى شامه
وسلام يا عمى
عبد الجليل
وسلام يا عمى
فضل الفضيل
وسلام يا اخوى
عم اسماعيل
وعم عبده
وأما بعده
وبعده أما
قاضى العداله
بالمهر غالى
لبنت خالَه
وبنت عمَّه
صابحين عرايس
والقلب راقص
وانا اللى راصص
معانى هامه
مقص هينا
ومقص هينا
يعود علينا
بركاته عامه  المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
المؤمنين الفوارس والجناينيه
جمعوا السحور الزهور فى صحبه أغنيه
صدق العمل واللسان والقلب والنيه
كرامة الإنسانيه جنه الأوطان
يعود علينا بنصر المؤمنين رمضان
اصـحى يانايم
وحّد الدايم
المسحراتي22| أشعار فؤاد حداد.. شعري اللي كان الحق
المسحراتي21| أشعار فؤاد حداد.. لازم أصحّي الحي
المسحراتي20| أشعار فؤاد حداد.. أميرة بنت السيد
المسحراتي19| أشعار فؤاد حداد.. قلب واحد
المسحراتي18| أشعار فؤاد حداد.. صنايعي دِقّى
المسحراتي17| أشعار فؤاد حداد.. حي المدامع والابتسام
المسحراتي16| أشعار فؤاد حداد.. والله زمان
المسحراتي15 | أشعار فؤاد حداد.. حاج راضي
المسحراتي14| أشعار فؤاد حداد.. نفس ترياق
المسحراتي13| أشعار فؤاد حداد.. قاعد يذاكر
المسحراتي12| أشعار فؤاد حداد.. ربيع الشام
المسحراتي11| أشعار فؤاد حداد.. النوبة يا أسمر
المسحراتي10| أشعار فؤاد حداد.. صاحب حسن ونعيمة
المسحراتي9| أشعار فؤاد حداد.. وردة ما بتدبلش
المسحراتي8| أشعار فؤاد حداد.. السيد البدوي
المسحراتي7| أشعار فؤاد حداد.. صورة تعدل صورة
المسحراتي6| أشعار فؤاد حداد.. كوبري إمبابة
المسحراتي5| أشعار فؤاد حداد.. يوم العمل يوم عيد
المسحراتي 4| أشعار فؤاد حداد.. تونس الخضرا
المسحراتي3| أشعار فؤاد حداد.. تعرفني من صوتي

المسحراتي2| أشعار فؤاد حداد.. الحق واجب

المسحراتي 1| أشعار فؤاد حداد.. تاج المدينة أبوزيد هلال

مشاركة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى