مقولة اليوم| وبنت أم أنور بترقص باليه “بحيرة البجع”

تصوير- أحمد دريم

باليه

وبـنـت أم أنـور، بـترقص بـاليــه “بحـيـرة البـجـع”،

سـلام يـا جــدع

سـلام ع الايـديـن اللي بتـقـول كـلام،

سـلام ع السيقان اللي مشـدودة زي الوتر،

سـلام ع القوام اللي مليان دلع مش حرام،

حلال، زي نور القمر

سلام ع الخطاوي اللي بتمر ع الكون تداوي،

سـلام ع الغـناوي،

ســلام ع الـنـسـيـم فـي الـشـجـر

وبـنـت أم أنور، بتضرب بساقها الفضا،

وبـتـشـب، وتـلب، وتنط نـطة غضب،

ونــطـة رضـا،

وبتـقـول بلغـوة إيديها: اللي فات انقـضى

حقـيقي، مضـى.

كات أمك يابنــتي،

فـى أزجـال معلـمـنا بيـرم عليه السلام،

مـاتعرفـش تركب سـوارس تروح الأمام،

وتمـشي.. تـقـع.

 

صلاح جاهين

 

“مركز ألوانات” بالمنيا يؤسس أول مدرسة باليه في الصعيد

 

مشاركة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
باب مصر