المسحراتي21| أشعار فؤاد حداد.. لازم أصحّي الحي

كتب – فؤاد حداد
تصوير – سمر شومان

المسحراتي21
21- لازم أصحّي الحي
اصحى يا نايم
وحّد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحّد الرزاق
رمضان كريم
مســحـراتى أرمى صوتى لفوق
مـنـقـراتى بإنسانيه وذوق
ذوق مش قوى لاحسن ماينفعشى
لازم أصحّى الحى كل الحى
لابد طبلى يدوى فيهم زى
فوج المدارس فى تمام الضى
علم الصغر كما فى الحجر نقشى
غلب حمارى لم غلب جحشى
أضرب مثل والدنيا مش ساهيه
قلبى اتغسل بالطل والساقيه
دقت العسل على سنتى الباقيه
يحلى كلامى وضحكتى وقفشى
ويا عم شاكر مين هنا يسواك
أنا ما لقيت فى الحى كله سواك
مستكفى بالنعناعه والمسواك
يصحى لى قبل ما افوت وما ينامشى
ميات حبايب فى البلد وألوف
على صوتى فى الشهر الكريم بتلوف
على عينى شلت الفضل والمعروف
تحت الحواجب والبيوت أمشى
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
المسحراتي20| أشعار فؤاد حداد.. أميرة بنت السيد
المسحراتي19| أشعار فؤاد حداد.. قلب واحد
المسحراتي18| أشعار فؤاد حداد.. صنايعي دِقّى
المسحراتي17| أشعار فؤاد حداد.. حي المدامع والابتسام
المسحراتي16| أشعار فؤاد حداد.. والله زمان
المسحراتي15 | أشعار فؤاد حداد.. حاج راضي
المسحراتي14| أشعار فؤاد حداد.. نفس ترياق
المسحراتي13| أشعار فؤاد حداد.. قاعد يذاكر
المسحراتي12| أشعار فؤاد حداد.. ربيع الشام
المسحراتي11| أشعار فؤاد حداد.. النوبة يا أسمر
المسحراتي10| أشعار فؤاد حداد.. صاحب حسن ونعيمة
المسحراتي9| أشعار فؤاد حداد.. وردة ما بتدبلش
المسحراتي8| أشعار فؤاد حداد.. السيد البدوي
المسحراتي7| أشعار فؤاد حداد.. صورة تعدل صورة
المسحراتي6| أشعار فؤاد حداد.. كوبري إمبابة
المسحراتي5| أشعار فؤاد حداد.. يوم العمل يوم عيد
المسحراتي 4| أشعار فؤاد حداد.. تونس الخضرا
المسحراتي3| أشعار فؤاد حداد.. تعرفني من صوتي

المسحراتي2| أشعار فؤاد حداد.. الحق واجب

المسحراتي 1| أشعار فؤاد حداد.. تاج المدينة أبوزيد هلال

مشاركة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى