المسحراتي18| أشعار فؤاد حداد.. صنايعي دِقّى

كتب – فؤاد حداد
تصوير – سمر شومان

المسحراتي18
18- صنايعي دِقّى
اصحى يا نايم
وحّد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحّد الرزاق
رمضان كريم
مســحـراتى
يا ابن الحلال
مـنـقـراتى
شاطر أمين
وصنايعى دقى
ودقيقى عال
منخول منقى
يا مغربلين
ربعى ربيعى
والاعتدال
طبيب طبيعى
يا عطارين
أصيل ومحدث
تحت الهلال
وبياضه مخلص
يا نحاسين
لما التجارب
رمت السؤال
تجديدى جاوب
يا منجدين
من غير تجارى
ومن غير دلال
بايع وشارى
يا دلالين
داخل حارتكم
بماء زلال
عينى اشترتكم
يا سقايين
واكتافى شالت
لاجل العيال
تانى وتالت
يا عتالين
وكان حنينى
ولا يزال
سقف يدارينى
يا بنايين
والف واحود
والليل جبال
يفنيها مرود
يا كحالين
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
أطوى من الأرض طيه بعدها طيه
واطل فى البير حبه كتير وشويه
ولا حاجه أبسط ولا أطيب من الميه
ولا صنعة اليد غيرها يكرم الإنسان
تغنيه عن الفقر وتقدر على الاحسان
اصـحى يانايم
وحّد الدايم
المسحراتي17| أشعار فؤاد حداد.. حي المدامع والابتسام
المسحراتي16| أشعار فؤاد حداد.. والله زمان
المسحراتي15 | أشعار فؤاد حداد.. حاج راضي
المسحراتي14| أشعار فؤاد حداد.. نفس ترياق
المسحراتي13| أشعار فؤاد حداد.. قاعد يذاكر
المسحراتي12| أشعار فؤاد حداد.. ربيع الشام
المسحراتي11| أشعار فؤاد حداد.. النوبة يا أسمر
المسحراتي10| أشعار فؤاد حداد.. صاحب حسن ونعيمة
المسحراتي9| أشعار فؤاد حداد.. وردة ما بتدبلش
المسحراتي8| أشعار فؤاد حداد.. السيد البدوي
المسحراتي7| أشعار فؤاد حداد.. صورة تعدل صورة
المسحراتي6| أشعار فؤاد حداد.. كوبري إمبابة
المسحراتي5| أشعار فؤاد حداد.. يوم العمل يوم عيد
المسحراتي 4| أشعار فؤاد حداد.. تونس الخضرا
المسحراتي3| أشعار فؤاد حداد.. تعرفني من صوتي

المسحراتي2| أشعار فؤاد حداد.. الحق واجب

المسحراتي 1| أشعار فؤاد حداد.. تاج المدينة أبوزيد هلال

مشاركة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى